By Prešel je Vuzem i v Međimurju kak i v celoj Horvatskoj nam domovini si oni koji so se nakanili z politikom baviti, zapregli su žrepce i od sela do sela, grada do grada nakanili zlatne teliće prodavati, a neštere su čak i svoju veru i naciju za županijski tron na bobenj dali.
Kak je još menje od mesec dni do ovih izborov na selskoj, gradakoj i županijskoj razini, tak je se već onih kaj bi šteli; selonačelnikima, gradonačelnikima ili pak županima postati. To se po celoj Horvatskoj ide kouliko tuliko normalno, a samo su v Međimurju kak zgledi fnogi ponoreli i vero za večerju na stol su deli.
Sema vam je poznato, kak je međimurski župan pred one zodnje izbore deset jezerač v žep del, koje mu je v roke porinul njegov partijski kamarad i kak su ga unda „uskoki“ malo pičili i priprli, a on je fletno ostavko dal i se priznal kaj je mogel z rešta vun zijti. Kak je to ne na tome ostalo, tada bivši župan međimurski Matek se je fletno na izborima kandidiral i se druge poteracal jer so Međimurci fejst kortešovali pred izboraj i na izboraj, kričali: „Mi smo Matekovi – Matek je naš“ i „Si smo mi Matek“!
Tak so se spunila štiri leta, nekak v miro, se do one komedije dok mu ni država zela njegovu najdražu igračku – Čakovečko bolnico, a da bi nazoj kak grom z vedra neba vun nova komedija zišla. Županova prva suradnica, pročelnica za civilno društvo i ljudska prava, nakanila je z Hrvatice – Romkinjom postati“!
Hrvatskim Zakonima je prepisano da manjine koje za to spune uvjete, imaju pravo na tal v izvršnoj i predstavničkoj vlasti, tak su to pravo herbali međimurski Romi i pripada im mesto zamenika župana. Pročelnica Maja Odrčić Mikulić, koja della v županiji po civilnom društvu i ljudskim pravima dobro je pregruntala, te je obznanila kandidaturu za zamenicu župana, ispred međimurskih Roma, jer ak za zamenika župana dojde pravi Rom, onda bi joj on kak ti po funkciji bil šef, a ona to nikak nemre precerati – ipak za njenim imenom piše prof. Gda je ova vest procurela vun, na noge se zdigla sva Romska populacija, vužgale so se društvene mreže i se skupa ta komedija ne diši na nekaj dobroga. Znadu Romi da je ta komedija njezino zakonsko pravo, ali se v strahu pitaju: „Bu ve pročelnica Maja stvarno prava Romkinja ili ipak samo Ciganica“?
No da je samo ta komedija, naj to bilo tak strašno, a v zrako fejst Međimurcaj smrdi ali oni to ne vošu. Sadašnji župan kojega je „uskok“ pičil i kojem se kaže skorašnja presuda na sudu, obznanil je kandidaturu za novi mandat, a po korteševanju Međimurcov, sigurno bu zbrani kak i zadnji pot! No kak je već bilo pisano da bu fletno došlo vreme kaj bu Međimurje dobilo Roma za župana, a to im se ve ovaj pot kaže. Sadašnji župan Matek bu sikak zbrani, a i njegova verna pročelnica novo-prosvetljena Romkinja takaj, kak ti njegova zamjenica. Na kraju buju o semu gospon sodec v Zagrebu presodili i ak bu zbrani župan moral v rešt ili pak se od rešta skriti za zastupnički imunitet, onda se dojde na pisano i Maja novo-prisegnuta Romkinja postaje Županica Međimurske županije! No s ponova se međimurski Romi i dalje pitaju: „Bu Maja samo do izbora Romkinja, a potlik njih ipak samo ciganica“?
Antun Berljak
